Пре­по­доб­ный Иоанн, епи­скоп Готф­ский, жил в VIII ве­ке. Бу­ду­щий свя­ти­тель был ро­дом из Тав­рос­ки­фии (в Кры­му), сын бла­го­че­сти­вых ро­ди­те­лей Льва и Фо­ти­ны. Иоанн с дет­ства был по­свя­щен на слу­же­ние Бо­гу, по­то­му что ро­дил­ся по усерд­ной мо­лит­ве сво­их ро­ди­те­лей и с юно­сти под­ви­зал­ся в ино­че­стве.

В 754 го­ду пра­во­слав­ные в Гот­фии из­бра­ли Иоан­на во епи­ско­па. Но не сра­зу при­нял сан пре­по­доб­ный, а обо­шел все свя­тые ме­ста. Воз­вра­тив­шись, он от­пра­вил­ся в Гру­зию (Иве­рию), со­хра­нив­шу­ю­ся от рас­про­стра­не­ния ико­но­бор­че­ской ере­си, где был хи­ро­то­ни­сан.

В 780 го­ду, при им­пе­ра­три­це Ирине, по­слал Кон­стан­ти­но­поль­ско­му Пат­ри­ар­ху Пав­лу сви­ток с из­ло­же­ни­ем ве­ры (вы­пис­ки из Вет­хо­го и Но­во­го За­ве­тов о по­чи­та­нии икон). По уда­ле­нии Пав­ла (в ав­гу­сте 784 го­да) с раз­ре­ше­ния им­пе­ра­три­цы Ири­ны при­хо­дил в Кон­стан­ти­но­поль по де­лам цер­ков­ным, участ­во­вал в Ни­кей­ском Со­бо­ре, вос­ста­но­вив­шем ико­но­по­чи­та­ние. По воз­вра­ще­нии епи­скоп Иоанн на­шел, что ха­за­ры за­ня­ли сво­им гар­ни­зо­ном До­ри, глав­ный го­род его епар­хии. Иоанн убе­дил вла­сти­те­ля Гот­фии вы­гнать ха­зар. Но ка­ган ха­зар­ский вновь овла­дел этим ме­стом, мно­гих каз­нил, а Иоан­на от­дал под стра­жу. Вер­ные по­мог­ли епи­ско­пу бе­жать за мо­ре, в Ама­стри­ду. Через че­ты­ре го­да, услы­шав о смер­ти ха­зар­ско­го вла­сти­те­ля, свя­ти­тель ска­зал: «Через 40 дней я пой­ду су­дить­ся с ним пе­ред Хри­стом Спа­си­те­лем». Дей­стви­тель­но, через 40 дней, 26 июня свя­ти­тель скон­чал­ся, это про­изо­шло в то вре­мя, ко­гда он об­ра­щал­ся с по­уче­ни­ем к на­ро­ду, в 790 го­ду. С че­стью был про­во­жа­ем «с фимиа­ма­ми и све­ча­ми до са­мо­го ко­раб­ля» Ама­стрид­ским епи­ско­пом Ге­ор­ги­ем, и те­ло его 29 июля бы­ло до­став­ле­но в Гот­фию, в мо­на­стырь Пар­фе­нит, рас­по­ло­жен­ный в Кры­му у по­дош­вы го­ры Аю-Даг, где преж­де жил свя­ти­тель у по­стро­ен­но­го им боль­шо­го хра­ма во имя свя­тых апо­сто­лов Пет­ра и Пав­ла. Об этом сви­де­тель­ству­ет над­пись на камне, най­ден­ном на юж­ном бе­ре­гу Кры­ма: «Этот все­чест­ный и Бо­же­ствен­ный храм свя­тых слав­ных все­х­валь­ных и пер­во­вер­хов­ных апо­сто­лов Пет­ра и Пав­ла был по­стро­ен с ос­но­ва­ния в дав­ние вре­ме­на иже во свя­тых от­цем на­шим ар­хи­епи­ско­пом го­ро­да и всея Гот­фии Иоан­ном ис­по­вед­ни­ком». Па­мять свя­ти­те­ля Иоан­на празд­ну­ет­ся так­же 26 июня/9 июля.

Кондак 1 

Возбранный воеводо и заступниче наш твердый, древния Таврии иже на мори столпе светлый, граду же партениту стено нерушимая и щите непобедимый, испроси нам, чтущым тя, дух твоея ревности, да сердцем чистым и оустны верными зовем ти: 
Радуйся, святителю Иоанне, истины поборниче.

Икос 1

Ангела тя земли Готфския от Бога испросиста Лев и Фотина, родители твои, прошение же улучивше, дивящеся и Бога благодаряще, у колыбели младенческия возглаголаста о тебе сице: 
Радуйся, седин отца и матере утешение, 
Радуйся, молитвы неотступныя исполнение. 
Радуйся, рождением чудным вся неплодныя возвеселивый, 
Радуйся, Самуила и Иеремии подобие проявивый. 
Радуйся, благочестием христианским яко млеком питаемый, 
Радуйся, таинствы церковными от младенчества освящаемый. 
Радуйся, доброхотный даре, Церкви матери принесенный. 
Радуйся, обетования плоде, небесному церю посвященный. 
Радуйся, святителю Иоанне, истины поборниче.

Кондак 2

Видяще архиереа своего в ересь уклоньшася и во ину страну повелением злочестиваго царя отшедша, согласишася людие во главу церкве яже в Готфии тя избрати, Иоанне преподбне, скорбь же тогда на радость преложися, и воздаша вернии Богу хвалу: Аллилуиа.

Икос 2

Разум христов во младых летех стяжал еси, сего ради моляху тя людие омофор на рамена прияти, да оградиши паству от еретиков, противу святых икон возстающих, темже вернии на подвиг тя укрепляху, взывающе: 
Радуйся, высоты партенитския рождение светлое, 
Радуйся, понта евксинскаго жемчужино чистая. 
Радуйся, Готфския страны чадо Божие светообразное, 
Радуйся, Таврии доброзрачныя благоухание молитвенное. 
Радуйся, небесное селение, верху горы оустрояемое, 
Радуйся, свеще неугасимая, на свещнице поставляемая. 
Радуйся, даров духовных вместилище, 
Радуйся, всего народа избранниче. 
Радуйся, святителю Иоанне, истины поборниче.

Кондак 3

Силу свыше и воли Божией познание желая оулучити, во святую землю тепле оустремился еси, оузрев же стены иерусалимския, паче снега белеющыя, возрадовался духом и Спасу Христу возопил еси: Аллилуиа.

Икос 3

Имеяй от юности мысль крепку Христу работати, его ради подвигом мужески вдался еси, Той же призрев на любовь твою, во граде Иерусалиме три лета жити тебе сподоби, по сих же иноцы во отечествие провождающе тя реша: 
Радуйся, яко ко гробу Господню сподобился еси приникнути, 
Радуйся, яко в водах иорданских потщался еси себе очистити. 
Радуйся, следы Христа воскресшаго в Галилеи лобызавый, 
Радуйся, в пустынях и горах духоносцев святых лицезревый. 
Радуйся, яко принесл еси иконам достойное поклонение. 
Радуйся, яко свершил еси ко архиерейству достойное уготовление. 
Радуйся, о тавроскифии, пастыря не имущей, Бога умоливый. 
Радуйся, о Церкви матери, ересьми терзаемей, слезы источивый. 
Радуйся, святителю Иоанне, истины поборниче.

Кондак 4

Бурею вражиею противу святых икон граду Константину обдержиму, в землю Иверскую притекл еси, Иоанне праведне, во еже сан архиерейский чисте прияти, видев же княжества Картли непоколебимое благочестие, воспел еси Богу: Аллилуиа.

Икос 4

Слышавше пришествие твое во храм святых апостол, стекошася усердно иверийстии жителие, иерарх же картлинский чистоту веры сохранивый, руце честнеи на тя возложи и жезл архиерейский тебе вручи, глаголя сице: 
Радуйся, ко струям Арагвы и Куры от Иордана пришедый, 
Радуйся, Мцхеты древния благодатную силу приемый. 
Радуйся, у столпа мироточиваго Святым Духом освященный, 
Радуйся, от лозы живоносныя Ниною премудрою напоенный. 
Радуйся, апостольскаго престола наместниче, 
Радуйся, святительскаго собора преемниче. 
Радуйся, веру истинную сохраньших наставниче. 
Радуйся, Церкве матере не предавших причастниче. 
Радуйся, святителю Иоанне, истины поборниче.

Кондак 5

Боготечная звезда, ко Христу ведущая, готфстей пастве явился еси, архиерею Божий Иоанне, темже пастыря крепка, терпелива же и милостива обретше, возрадовашася зело овцы твоя, глаголюще: Аллилуиа.

Икос 5

Видяще тебе на божественней стражи стояща, приидоша под омофор твой пресельницы, бегающии адския злобы еретическия, заступление же твое, яко гонимии за веру, обретше, прославиша Бога и радостно возгласиша ти: 
Радуйся, богатством неправым и славою земною не прельстивыйся, 
Радуйся, свирепства еретическаго противу икон честных не оубоявыйся. 
Радуйся, догматы веры усердно усвоивый, 
Радуйся, сия исполнити люди наставивый. 
Радуйся, храмы в Готфии тавричестей устроивый и украсивый, 
Радуйся, совершенныя жизни ищущым обители возъобновивый. 
Радуйся, Константину граду явивый образ праваго мудрования. 
Радуйся, во храме Софии премудрости Божия проповедавый икон почитание. 
Радуйся, святителю Иоанне, истины поборниче.

Кондак 6

Проповедают горы и урочища Таврии шествие твое яко апостольское, люди бо в вере утверждал еси, реки же и источницы память чудес твоих приносят, именем бо твоим запечатленнии, вопиют Творцу и Богу: Аллилуиа.

Икос 6

Возсия евангльское житие твое, егоже свидетелие суть горы неприступныя, носящыя церкви тобою древле созданныя, ныне же грех ради рода нашего в запустение пришедшыя, в нихже иногда чада церковная освящаеми, воспеваху тебе сице: 
Радуйся, пречистых Таин благоговейный совершителю, 
Радуйся, стада твоего неустрашимый хранителю. 
Радуйся, слова Христова неутомимый проповедниче, 
Радуйся, слабых и отчаянных великий заступниче. 
Радуйся, от гор высоких вскрай моря стопами землю измеривый, 
Радуйся, собрати чада духовная вкупе благоизволивый. 
Радуйся, ангелом церкви яже в Готфии нареченный, 
Радуйся, силою Духа Святаго свыше окриленный. 
Радуйся, святителю Иоанне, истины поборниче.

Кондак 7

Хотящих во след Христа тещи инок множество собрал еси, отче, нравом бо украсився благоустроенным подвигов ради монашеских, возмогл еси искушаемым от врага губителя помощи, да чистоты сеятелю Богу день и нощь воспевают: Аллилуиа.

Икос 7

Новую песнь Богови воспети желающе, приидоша под кров твой девства рачителие, зряще же лице твое, благодатно сияющее, укрепишася, и наставления взыскующе, воззваша тебе сице: 
Радуйся, иноче кроткий и смиренный, 
Радуйся, светом фаворским озаренный. 
Радуйся, сил безплотных подражателю, 
Радуйся, духов злобы победителю. 
Радуйся, мир благодатными даровании удобривый, 
Радуйся, образ трезвения и смирения показавый. 
Радуйся, о вере вопрошающым мудрый советниче, 
Радуйся, к послушанию притекшым верный наставниче. 
Радуйся, святителю Иоанне, истины поборниче.

Кондак 8

Странствие земное проходя, естество понудил еси, плоти же не пощадил еси, но за спасение многих себе отдал еси, душу свою веры ради истинныя на всяк день полагая, Христу же победителю благодарно взывая: Аллилуиа.

Икос 8

Весь удел твой спасти хотя от хазар нечестивых, не мир, но мечь предпочел еси, преданный же мирствующими со врагом, заточение темничное претерпел еси, темже взываху тебе духовная чада твоя сице: 
Радуйся, Готфския страны вождю духовный неустрашимый, 
Радуйся, гордости иноземней не подкланятися люди учивый. 
Радуйся, о свободе паствы пекийся, начальство над вои приемый, 
Радуйся, о защищении святынь яже во граде Доросе, поревновавый. 
Радуйся, от знаемых предательство, яко Христос от ученика лукаваго, претерпевый, 
Радуйся, во узах пешешествовавый и в темнице безвинно пострадавый. 
Радуйся, яко избавленный чады духовными, приял еси утешение. 
Радуйся, яко во Амастриду вселився, свершил еси ко исходу уготовление. 
Радуйся, святителю Иоанне, истины поборниче.

Кондак 9

Всяк чин и возраст приидоша прияти яже от Амастриды мощи твоя, ты бо, разлучения не терпя, к пастве возвратитися изволил еси, по морю скорое течение совершив, ангели же провождавшии тя, воспеша чудес подателю Богу: Аллилуиа.

Икос 9

Ветиа многовещанныя проповедуют пришествие твое, еже во храм святых апостол, тобою созданный, град же твой Партенит фимиам и свещы, и цветы тогда предъуготовив, в песни место погребальныя, радостно возгласи тебе: 
Радуйся, во отечествие твое мощьми возвративыйся, 
Радуйся, во обитель твою в день праздника тоя водворивыйся. 
Радуйся, чад верных сим явлением утешивый, 
Радуйся, виновных к покаянию наставивый. 
Радуйся, всемогущество Божие пришествием твоим проповедавый, 
Радуйся, и по смерти познанием чудес твоих верныя оукрепивый. 
Радуйся, града твоего покровителю, 
Радуйся, всея Таврии оукрасителю. 
Радуйся, святителю Иоанне, истины поборниче.

Кондак 10

Спасти хотя от бед люди твоя, во всех нуждах кротким помогаеши, никогоже отревая, темже радуется днесь удел твой, святителю, в памяти чудес от тебе бываемых, спасение же в нем тобою приимшии, Богу поют: Аллилуиа.

Икос 10

Стена и щит граду нашему явился еси, чудеса в нем непрестанно содеваяй и духом с нами пребываяй, темже в день сей пришедше, древнии и новии свидетелие дел твоих, от многих уст песнь единую тебе приносят, поюще: 
Радуйся, ученика в разбойники впадша избавивый, 
Радуйся, сомнящася от волн спасый, прокажена очистивый. 
Радуйся, нечестиво солгавшым Божий суд явивый, 
Радуйся, о имении враждующих, того лишивый. 
Радуйся, силы многи в готфстей стране сотворивый, 
Радуйся, имя Божие паче всех благ земных возлюбивый. 
Радуйся, сосуде чистый, яко благодать Божию приял еси, 
Радуйся, фаросе огнесветлый, яко всем концем моря просиял еси. 
Радуйся, святителю Иоанне, истины поборниче.

Кондак 11

Пение приими, святителю Иоанне, сошедшихся в память твою, яже по многих вецех не оскуде в земли нашей, имя же твое забвению не бысть причастно, но славно пред Богом, Церковь бо Христова день твой праздновати повелевает нам, поющым: Аллилуиа.

Икос 11

Светоприемныя душы взыскуя, Господь храм созда во имя твое, сей храм, иже в предгориих Таврии, во образ Иерусалима нам явися, воньже не приити, но точию взыти возможно есть, в немже и мы в таинствах церковных освящаеми поем ти: 
Радуйся, во храм твой обетованием помощи люди призываяй, 
Радуйся, образ твой почитающым в скорбех и нуждах помогаяй. 
Радуйся, совершающым службу Божию споспешниче, 
Радуйся, молящымся и труждающымся верный наставниче. 
Радуйся, кедре великий, ветвьми облаки досязающий, 
Радуйся, кипарисе дивный, высоту небес измеряющий. 
Радуйся, всех обидимых скорое заступление, 
Радуйся, обнаженных от добрых дел к покаянию возведение. 
Радуйся, святителю Иоанне, истины поборниче.

Кондак 12

Благодать твою, Иоанне преподобне, край таврический исповедует, яко един от удел Божиих, добродетельми же твоими, яко цветы травными благоухая, Богу в Троице славимому приносит пение: Аллилуиа.

Икос 12

Поюще память твою, прославим Бога, леты владычествующаго и в коемждо роде ходатаи воздвизающаго, иже яви тебе вернаго ходатая не точию во время твое, но и до днесь, темже в сонме святых таврических тя оублажаем сице: 
Радуйся, учение Первозваннаго Андреа в сердце от юности восприемый, 
Радуйся, терпению Климента Инкерманскаго во страдании поревновавый. 
Радуйся, Священномучеником Херсонесским в горении духа подражателю, 
Радуйся, Стефану Сурожскому подобен икон усердный почитателю. 
Радуйся, святителей земли нашея наставление 
Радуйся, обителей горныя Таврии утешение. 
Радуйся, священников воспитателю, 
Радуйся, всех верных святый предстателю. 
Радуйся, святителю Иоанне, истины поборниче.

Кондак 13

о пламенный ревнителю святыя нашея веры, иноков наставниче, святителю Иоанне, приими благодарение сие наше, о всех чудесех твоих на нас бываемых, и предстоя ныне престолу Христову, в лице угодников иже в Таврии просияша, и душы своя за люди положиша, молися, да сподобимся и на небесех пети с тобою: Аллилуиа, Аллилуиа, Аллилуиа. 
Сей Кондак глаголется трижды, а по сем чтется Икос 1 и Кондак 1

Молитва преподобному Иоанну исповеднику, епископу Готфскому

О добрый наш пастырю и богомудрый наставниче, преподобне отче Иоанне! Услыши нас молящихся тебе и на скорое предстательство твое уповающих. 
Призри на нас грешных, в толицех обстояниих сущих, отвсюду уловляемых и всякаго блага духовнаго за нерадение лишенных. Потщися угодниче Божий, не остави нас в плену греховнем, да не будем духовным врагом нашым радование и да не умрем в лукавых деяниих наших. Моли о нас Христа Бога Спаса нашего, Емуже ты со безплотными лики предстоиши. Милостива к нам сотвори содетеля нашего в нынешнем веце и в будущем, да не воздаст нам по делом нашым и по нечистоте сердец наших: но по своей благости да воздаст нам. На твое бо ходатайство надеемся, твоим предстательством хвалимся. Днесь иконе твоей припадающе исцеления душ и телес наших просим, твердое оупование на тебе имуще. 
Ей, угодниче Христов, отче святый и богодохновенный, православныя веры светлый вестниче, божественных и святых догматов хранителю, воспомяни о нас немощных. Домы нашя от всякаго зла огради, чад наших от соблазн мира сего защити, младенцы воспитай, юныя в познание оучения Христова возрасти, мужы и жены православныя в меру возраста Христова приведи, вдовицы заступи, старцы во оскудении крепости сущыя поддержи, всем вся буди, коегождо возраст и потребу ведый. 
Укрепи нас твоим заступлением, испроси нам от Господа твою пламенную о богоугождении ревность, еретическая шатания низложи и настави нас на путь спасения, да сподобимся и мы вечныя жизни и купно с тобою прославим всесвятое имя Отца и Сына и Святаго Духа, ныне и присно и во веки веков. Аминь.