КРАТКОЕ ЖИТИЕ ПРЕПОДОБНОИСПОВЕДНИКА НИКОНА ОПТИНСКОГО (БЕЛЯЕВА)

Пре­по­доб­ный Оп­тин­ский ста­рец Ни­кон, ис­по­вед­ник (в ми­ру Ни­ко­лай Мит­ро­фа­но­вич Бе­ля­ев), ро­дил­ся 26 сен­тяб­ря 1888 го­да в Москве. Его дет­ство про­шло в боль­шой и друж­ной ку­пе­че­ской се­мье. От ро­ди­те­лей он уна­сле­до­вал лю­бовь к Церк­ви, чи­сто­ту и стро­гость нра­ва. С го­да­ми у Ни­ко­лая и его млад­ше­го бра­та Ива­на воз­ник­ло и укре­пи­лось со­зна­тель­ное стрем­ле­ние к ду­хов­ной жиз­ни. Они ре­ши­ли уй­ти в мо­на­стырь, но не зна­ли, в ка­кой. Из­ре­за­ли на по­лос­ки пе­ре­чень рус­ских мо­на­сты­рей и, по­мо­лив­шись, вы­тя­ну­ли по­лос­ку, на ко­то­рой бы­ло на­пи­са­но: «Ко­зель­ская Вве­ден­ская Оп­ти­на пу­стынь».

До­ма не пре­пят­ство­ва­ли бла­го­му ре­ше­нию, и 24 фев­ра­ля 1907 го­да, в день об­ре­те­ния гла­вы Иоан­на Пред­те­чи, бра­тья при­е­ха­ли в Оп­ти­ну. Их обо­их с лю­бо­вью при­нял пре­по­доб­ный ста­рец Вар­со­но­фий, но как-то осо­бен­но от­ме­тил Ни­ко­лая. С пер­вых же бе­сед они по­чув­ство­ва­ли необъ­яс­ни­мую тес­ную связь друг с дру­гом, то, что на­зы­ва­ет­ся «ду­хов­ным род­ством».

9 де­каб­ря 1907 го­да, в день празд­но­ва­ния ико­ны Бо­жи­ей Ма­те­ри «Неча­ян­ная Ра­дость», бра­тья Бе­ля­е­вы бы­ли при­ня­ты в чис­ло скит­ской бра­тии. В ок­тяб­ре 1908 го­да брат Ни­ко­лай был на­зна­чен пись­мо­во­ди­те­лем стар­ца Вар­со­но­фия и осво­бож­ден от всех по­слу­ша­ний, кро­ме цер­ков­но­го пе­ния и чте­ния. К это­му вре­ме­ни он ста­но­вит­ся са­мым близ­ким уче­ни­ком и со­та­ин­ни­ком стар­ца Вар­со­но­фия, ко­то­рый, про­ви­дя его вы­со­кое пред­на­зна­че­ние, го­то­вил его в свои пре­ем­ни­ки, пе­ре­да­вая ему свой ду­хов­ный и жиз­нен­ный опыт, ру­ко­во­дил его ду­хов­ной жиз­нью.

В ап­ре­ле 1910 го­да Ни­ко­лай был по­стри­жен в ря­со­фор, а 24 мая 1915 го­да — в ман­тию. Он по­лу­чил имя Ни­кон в честь свя­то­го му­че­ни­ка Ни­ко­на (па­мять 28 сен­тяб­ря). 10 ап­ре­ля 1916 го­да пре­по­доб­ный Ни­кон был ру­ко­по­ло­жен во иеро­ди­а­ко­на, а 3 но­яб­ря 1917 го­да удо­сто­ил­ся са­на иеро­мо­на­ха.

По­сле ок­тябрь­ско­го пе­ре­во­ро­та Оп­ти­на бы­ла за­кры­та, на­ча­лись го­не­ния. «Умру, но не уй­ду» — так пи­сал пре­по­доб­ный Ни­кон в сво­ем днев­ни­ке, бу­дучи еще по­слуш­ни­ком мо­на­сты­ря. Эти сло­ва вы­ра­жа­ли об­щее на­стро­е­ние оп­тин­ской бра­тии. Тру­до­спо­соб­ные мо­на­хи со­зда­ли «сель­ско­хо­зяй­ствен­ную ар­тель», да­вав­шую про­пи­та­ние. Имен­но то­гда пре­по­доб­ный Ни­кон рев­ност­но тру­дил­ся, де­лая все, что толь­ко воз­мож­но, чтобы со­хра­нить мо­на­стырь. В Оп­ти­ной бы­ло тя­же­ло, но служ­ба в хра­мах про­дол­жа­лась. Пер­вый раз его аре­сто­ва­ли 17 сен­тяб­ря 1919 го­да. Ле­том 1923 го­да мо­на­стырь был окон­ча­тель­но за­крыт; бра­тию, кро­ме два­дца­ти ра­бо­чих при му­зее, вы­гна­ли на ули­цу. На­сто­я­тель пре­по­доб­ный Иса­а­кий, от­слу­жив по­след­нюю со­бор­ную ли­тур­гию в Ка­зан­ском хра­ме, пе­ре­дал клю­чи от него пре­по­доб­но­му Ни­ко­ну, бла­го­сло­вил слу­жить и при­ни­мать бо­го­моль­цев на ис­по­ведь. Так пре­по­доб­ный Ни­кон за свя­тое по­слу­ша­ние на­сто­я­те­лю стал по­след­ним Оп­тин­ским стар­цем. То­гда же на­хо­див­ший­ся в ссыл­ке пре­по­доб­ный Нек­та­рий стал на­прав­лять сво­их ду­хов­ных чад к пре­по­доб­но­му Ни­ко­ну. До это­го пре­по­доб­ный Ни­кон не дер­зал да­вать со­ве­ты об­ра­щав­шим­ся к нему, а ко­гда на­чал при­ни­мать на­род, то, да­вая со­ве­ты, все­гда ссы­лал­ся на сло­ва Оп­тин­ских стар­цев. Из­гнан­ный из оби­те­ли в июне 1924 го­да, он по­се­лил­ся в Ко­зель­ске, слу­жил в Успен­ском хра­ме, при­ни­мал на­род, вы­пол­няя свой пас­тыр­ский долг. В те страш­ные го­ды вер­ные ча­да Церк­ви осо­бен­но нуж­да­лись в укреп­ле­нии и уте­ше­нии, и имен­но та­кой ду­хов­ной опо­рой был пре­по­доб­ный Ни­кон. Его аре­сто­ва­ли в июне 1927 го­да вме­сте с от­цом Ки­рил­лом (Злен­ко). Три страш­ных го­да про­вел пре­по­доб­ный Ни­кон в ла­ге­ре «Кем­пер­пункт».

По окон­ча­нии сро­ка его при­го­во­ри­ли к ссыл­ке в Ар­хан­гель­скую об­ласть. Пе­ред от­прав­кой врач на­шел у пре­по­доб­но­го Ни­ко­на тя­же­лую фор­му ту­бер­ку­ле­за лег­ких и по­со­ве­то­вал про­сить о пе­ре­мене ме­ста ссыл­ки. При­вык­ший все де­лать за по­слу­ша­ние, пре­по­доб­ный Ни­кон по­про­сил со­ве­та у от­ца Ага­пи­та, со­слан­но­го вме­сте с ним. Тот по­со­ве­то­вал не про­ти­вить­ся Бо­жи­ей во­ле, и пре­по­доб­ный Ни­кон сми­рил­ся.

3/16 ав­гу­ста 1930 го­да его «пе­ре­ме­сти­ли» из Ар­хан­гель­ска в го­род Пи­не­гу. Боль­ной, он дол­го ски­тал­ся в по­ис­ках жи­лья, по­ка не до­го­во­рил­ся с жи­тель­ни­цей се­ла Вое­по­ла. Кро­ме вы­со­кой пла­ты, она тре­бо­ва­ла, чтобы ба­тюш­ка, как ба­трак, вы­пол­нял все тя­же­лые физи­че­ские ра­бо­ты. Со­сто­я­ние здо­ро­вья пре­по­доб­но­го Ни­ко­на ухуд­ша­лось с каж­дым днем, он недо­едал. Од­на­жды от непо­силь­но­го тру­да он не смог встать. И то­гда хо­зяй­ка ста­ла гнать его из до­му.

Отец Петр (Дра­чев), то­же ссыль­ный оп­ти­нец, пе­ре­вез уми­ра­ю­ще­го к се­бе в со­сед­нюю де­рев­ню и там уха­жи­вал за ним. Физи­че­ские стра­да­ния не омра­чи­ли ду­ха вер­но­го ра­ба Бо­жия: по­гру­жен­ный в мо­лит­ву, он си­ял незем­ной ра­до­стью и све­том. В по­след­ние ме­ся­цы сво­ей бо­лез­ни он по­чти еже­днев­но при­ча­щал­ся Свя­тых Хри­сто­вых Та­ин. В са­мый день его бла­жен­ной кон­чи­ны, 25 июня/8 июля 1931 го­да, он при­ча­стил­ся, про­слу­шал ка­нон на ис­ход ду­ши. Ли­цо по­чив­ше­го бы­ло необык­но­вен­но бе­лое, свет­лое, улы­ба­ю­ще­е­ся че­му-то ра­дост­но. Про­мыс­лом Бо­жи­им на по­гре­бе­ние бла­жен­но­по­чив­ше­го стар­ца пре­по­доб­но­го Ни­ко­на од­них свя­щен­но­слу­жи­те­лей со­бра­лось две­на­дцать че­ло­век. Он был от­пет и по­гре­бен по мо­на­ше­ско­му чи­ну на клад­би­ще се­ла Вал­до­ку­рье. Гос­подь, да­ро­вав Сво­е­му вер­но­му слу­ге мир­ную кон­чи­ну, и по пре­став­ле­нии по­чтил его со­от­вет­ству­ю­щим его са­ну и за­слу­гам по­гре­бе­ни­ем.

Па­мять о нем жи­ва в ду­шах лю­бя­щих и пом­ня­щих его. В день бла­жен­ной кон­чи­ны пре­по­доб­но­го от­ца на­ше­го Ни­ко­на оп­тин­ские на­сель­ни­ки на­чи­ная с 8 июля 1989 го­да слу­жат па­ни­хи­ды на ме­сте его упо­ко­е­ния на клад­би­ще на Вал­до­ку­рье. Жизнь пра­вед­ных на­чи­на­ет­ся по их кон­чине…

Предназначен для келейного чтения

Находится на рассмотрении в Комиссии по акафистам при Издательском Совете Русской Православной Церкви

Кондак 1

Избранный исповедниче оптинский, благодати старческия наследниче, воине духовный и монахов изрядный наставниче. Похвальная приносим тебе пение. Ты же, яко имея ко Христу велие дерзновение, молися о нас, любовию тебе зовущих: радуйся, исповедниче Христов, Никоне богомудре.

Икос 1

От младенства твоего тайну Воскресения постигнувый, егда умершу ти, отче мудре, молитвами матере твоея паки к жизни возвратился еси. Сего ради таковому чуду удивившеся, велегласно тебе зовем:

Радуйся, молитвами матере от уст адских восхищеный; радуйся, радость воскресения еще в младенстве познавый.

Радуйся, твоим благочестием смерти жало при­тупивый; радуйся, твоими чудодействы о животе вечнем возвестивый.

Радуйся, дважды избегнувый смерти горчайшия; радуйся, яко сладости райския сугубо ныне причащаешися.

Радуйся, велегласная труба воскресения; радуйся, сладкозвучный органе безсмертия.

Радуйся, исповедниче Христов, Никоне богомудре.

Кондак 2

Мир оставил еси, отче богомудре, и в Скит Оптинский вселивыйся, ко Христу любовию распалаемь, яко горлица пустыннолюбивая в жертву живу принесл еси себе, словесным служением взывая: Аллилуиа.

Икос 2

Под криле богомудраго Варсонофия притекл еси, яко млеком словесным старческим окормлением от него воспитавыйся, в мужа возраста духовнаго достигл еси, темже твое боголюбие похваляем глаголюще сице:

Радуйся, яко орля, духовную весну иский; радуйся, от зимы мирских страстей отбегий.

Радуйся, Солнца Праведнаго лучами согретый; радуйся, звезды мысленныя постигнути желавый.

Радуйся, под криле мудрости старческия притекий; радуйся, тою мудростию окрилен быв, в горняя востекий.

Радуйся, небомудренное житие в Скиту обретый; радуйся, похотений юношеских избегий.

Радуйся, исповедниче Христов, Никоне богомудре.

Кондак 3

Кладезь мудрости в Скиту обрет, преподобне отче, писменник был еси великаго старца. В писменех бо его сладость почерпл еси благодатных словес, жажду духовную утоляя, Богу благодарне взывая: Аллилуиа.

Икос 3

В сотаинники своя избра тебе богомудрый ста­рец Варсонофий, души твоея провидевый богоразумную доброту, яко имаши явитися преемник благодати старческия. Сего ради воспеваем тебе похвальная:

Радуйся, преемниче даров сыноположения; радуйся, ко отечестей любви сыновнее явивый люб­ление.

Радуйся, сотаинниче премудрый богомудраго старца; радуйся, непорочный агнче Варсонофиева стада.

Радуйся, овене, пасыйся на пажитех учений; радуйся, елене, жаждаяй воды упокоения.

Радуйся, послушниче прилежный старческих волений; радуйся, ревновавый Ангелом правым произволением.

Радуйся, исповедниче Христов, Никоне богомудре.

Кондак 4

Якоже дождь на землю жаждущую, тако сниде на тя старческое окормление, темже изнесе земля сердца твоего цветы прекрасныя благочестия, и фимиам благодарения принесл еси Христу, поя молитвенно Ему: Аллилуиа.

Икос 4

Послушанием окрылився, преподобне, плоть увядил еси и духом якоже крин во юдоли пустынной процвел еси. Целомудрием и чистотою украсился еси, богоблаженне. Сего ради песенный исплетеся тебе венец:

Радуйся, добродетели целомудрия благоухан­ный крине; радуйся, монашеских чинов благовонный шипок.

Радуйся, многосветлая свеще проповедания; радуйся, многоплетенный венче богомыслия.

Радуйся, розго апостольскаго предания; радуйся, грозде Владычния любве.

Радуйся, яко тобою девственнии лицы украша­ются; радуйся, яко тобою иночестии чини утверждаются.

Радуйся, исповедниче Христов, Никоне богомудре.

Кондак 5

Исповеднический богосветлый венец тебе, отче Никоне, предрече богомудрый старец Варсонофий, иже узами и страдальческою смертию яко камением честным обложен. Ты же, велелепой красоте его дивяся, Христу венчающему тя возопил еси: Аллилуиа.

Икос 5

Печали исполнися сердце твое, отче Никоне, егда старец твой завистию диавола от обители изгнан бысть. Обаче осиротел еси токмо лицем, а не сердцем, яко союзом любве к старцу привязан быв. Сего ради сыновнюю твою любовь похваляюще, сице тебе вопием:

Радуйся, послушания рачителю известнейший; радуйся, своея воли отсекателю прилежнейший.

Радуйся, непоколебимый исполнителю воли старца бывый; радуйся, пламенеющую любовь ему явивый.

Радуйся, отчесыновний союз любве показавый богоподражательне; радуйся, любвеобильный пре­емник явивыйся старческия благодати.

Радуйся, яко не гонение, ниже смерть разлучи тя от любве твоего старца; радуйся, яко и по смерти с нимже в райских селех водворяешися.

Радуйся, исповедниче Христов, Никоне богомудре.

Кондак 6

Якоже в сладости райстей в вертограде Оптинстем пожил еси, отче Никоне, плоды наслаждаяся старческого окормления. Темже благоискусно к подвигом исповедническим уготовивый себе, поя избавителю всех Богу: Аллилуиа.

Икос 6

Яко кедр ливанский возрасл еси во обители оптинстей, егоже не поколеба буря безбожия, молитвою бо досязал еси небесе, и смиренномудрие, яко корень, воглубил еси в души. Сего ради в сени поучений твоих покоящеся, похвальная тебе зовем:

Радуйся, неувядаемая отрасле оптинскаго стар­чества; радуйся, цветоносная ваие предпасхальныя страсти.

Радуйся, плоде сладчайший старческаго окор­мления; радуйся, благоуханный крине новаго испо­ведания.

Радуйся, яко терноносный шипок был еси для безбожных мучителей; радуйся, яко медоточная розга был еси алчущим истины.

Радуйся, яко тобою уничижися гордость безбожия; радуйся, яко тобою возвысися вера православ­ная.

Радуйся, исповедниче Христов, Никоне богомудре.

Кондак 7

Жертву безкровную в Казанстей церкви совершив последнюю, отче Никоне, егда от безбожников затворени быша храми вси, и сам себе уготовал еси быти жертва одушевленная, Христу пожершемуся нас ради вопия: Аллилуиа.

Икос 7

В темницу мрачную ввергоша тя мучителие, яко надеяшася поколебати крепость твоея души, ты же яко адамант пребыл еси непоколебимь, поя благодарно псалмы, темже узилище темничное яко рая пространство вменися тебе. Сего ради великодушию души твоей дивящеся, похвальная тебе зовем:

Радуйся, узы темничныя в бисеры себе вменивый; радуйся, похвалу Павлову себе усвоивый.

Радуйся, апостольских преданий верный блю­стителю; радуйся, благовестниче Христов всерачительный.

Радуйся, по вся дни по глаголу Павла умиравый; радуйся, Бога Жива в себе стяжавый.

Радуйся, яко добр воин Христов злопострадав верно; радуйся, яко подвигом исповедническим подвизався законно.

Радуйся, исповедниче Христов, Никоне богомудре.

Кондак 8

Из темницы изшел еси яко от брачнаго чертога, виссон праведности носяй, венцем верности от Христа увязлся еси, Никоне добропобедне, и страданьми исповедания украсился еси, поя Богу: Аллилуиа.

Икос 8

Гонение тебе приключися, яко дух бурен, скорбными бо обстояньми от обители изгнан быв, в лодии телесней легце преминул еси бурю безбожия и блаженныя пристани Христа ради гонимых достигл еси. Сего ради яко тихия волны приступают к тебе хвалы сия:

Радуйся, лодии церковныя изрядный управителю; радуйся, богодохновенное ветрило тихих молитв.

Радуйся, от потопления греховнаго спасый овцы Христовы; радуйся, от раскола церковнаго избавивый паству твою.

Радуйся, яко псалмопением обезгласил еси трубы безбожия; радуйся, яко в пристанище безстрастия достигл еси.

Радуйся, яко немокренно шествие твое бысть в мори житейстем; радуйся, яко слезы страждущих в плач по Бозе претворил еси.

Радуйся, исповедниче Христов, Никоне богомудре.

Кондак 9

Слово Божие по глаголу апостольскому во устех не вяжется, обаче во вся концы вселенныя богогласно сообщается. Сице слово на тебе сбыстся, отче Никоне, яко по широте земли Русския промчася богокрасное исповедание твое, в немже пел еси Христа, зовый: Аллилуиа.

Икос 9

Страны северныя достигл еси, отче богоносе, и подвиг странничества усугубил еси на Архангельстей земли, житие показав равноангельное, многострадальне отче. Сего ради слышиши сия похвалы:

Радуйся, яко многи скорби претерпел еси несмущенным духом; радуйся, яко поношение приял еси ради Господа Иисуса.

Радуйся, на земли скитаяся, небо обретый отверсто; радуйся, землю освятивый, в гроб зашед безвестно.

Радуйся, яко равноангельную восприял еси славу; радуйся, яко посрамил еси безбожия державу.

Радуйся, страннолепно на земли житие скончавый; радуйся, на небеси новое житие начавый.

Радуйся, исповедниче Христов, Никоне богомудре.

Кондак 10

Яко Божественною утварью, исповеданием твоим Церковь Русская украсися, и чин иноческий светоносным просветися благочестием твоим. Сего ради яко свещник тя зрим, отче Никоне, богоразумием на тверди церковней сияяй, и от души прославльшему тя Христу поем: Аллилуиа.

Икос 10

Пастырскою свирелию исповедания твоего заградил еси уста безбожия и овцы разсеянныя стада Христова на пажити благочестия воспитал еси. Темже в кров твоего пастырскаго прибегающе заступления, от души умильно тебе вопием:

Радуйся, раскола церковнаго верный устранителю; радуйся, единства духовнаго богомудрый подателю.

Радуйся, яко пастырь сый добрый, за овцы сло­весныя душу положивый; радуйся, яко агнец сый непорочный, мечем девства сласть любодейства заклавый.

Радуйся, яко старческим окормлением люди оз­лобленныя утешил еси; радуйся, яко богомудрыми советы свет во тьме духовней возвестил еси.

Радуйся, башне крепкая православных догматов; радуйся, трубо благозвучная благочестивых нравов.

Радуйся, исповедниче Христов, Никоне богомудре.

Кондак 11

Благоухание Христово бысть житие твое, отче Никоне, в стране Российстей, испущающее ароматы богомудрых речений твоих, и воня в смерть твое исповедание познася, имже прозябения безбожнаго неверия увядил еси. Сего ради неумолкаемую песнь стяжал еси к Богу, поя Ему: Аллилуиа.

Икос 11

Сердце яко скрижаль богописану стяжал еси, отче Никоне, ум якоже небо ясное, резцем послушания красоту монашества изобразив и Славу Божию твоим исповеданием возвестив. Сего ради Оптиной пустыни явился еси похвала и утверждение, в нейже услыши приносимыя тебе песнопения:

Радуйся, исповедников Российских звездо светозарная; радуйся, монашествующих кроткий утеши­телю.

Радуйся, сыне старческих благословений; радуйся, наставниче богомудрых речений.

Радуйся, некрадомое сокровище оптинских преданий; радуйся, скрижале, писанная богомудрыми отцами.

Радуйся, яко отраду подаеши во узилищех сущим; радуйся, яко сшественник бываеши гонимым ради Господа Иисуса.

Радуйся, исповедниче Христов, Никоне богомудре.

Кондак 12

Постное течение совершив, житие монашеское украсил еси исповеданием, добропобедне Никоне, и лествицею добродетелей небесный обретый восход, скончал еси страдальчески шествие твое, Богу со многим дерзновением представ, песнь преславную поя: Аллилуиа.

Икос 12

Яко кимвал доброгласный житие твое явися, добродетельми красно бряцающее, и яко труба богогласная исповедание твое, добропобедне Никоне, познася. Мы же, яко дел отнюд не имуще, медь звенящая токмо являемся, и яко воздух биюще обретаемся, обаче на помощь твою надеющеся, любовию тебе зовем:

Радуйся, православия тимпане звоногласный; ра­дуйся, Церкве немолчная и сладкая уста.

Радуйся, кифаро старческих поучений; радуйся, кротости песне ко иноческим ушесам.

Радуйся, яко сын громов, благовествовал еси Евангелие; радуйся, яко глас, вопиющий в пустыне, проповедал еси нам покаяние.

Радуйся, яко тобою побеждаем супротивная пол­чища; радуйся, яко тобою сликовствуем новомученическому воинству.

Радуйся, исповедниче Христов, Никоне богомудре.

Кондак 13

О Никоне треблаженне, иже путь на земли добре скончав и веру соблюд, и течение твоих красных ног устремив к небесному шествию. Исправи наша стези к деланию заповедей Божественных, да мимоходим сетей диавольских, но о всем преключшемся смиренномудренно поем Богу: Аллилуиа.
(Этот кондак читается трижды, затем икос 1 и кондак 1)

Молитва Преподобному Никону исповеднику

О, Никоне священне, о преподобне наш отче, старчества Оптинскаго светлый венче и новомучеников Русских благовонный цвете! Ты первее постническими труды душу твою очистив, демонская ополчения посрамил еси, послушанием, яко быстротечную лествицею на верхи добродетелей достигл еси и веры благославный исповедник явился еси. В годину же гонений безбожных терпением мужески облеклся еси, и яко пастырь добрый и яко истинный сын старцев Оптинских люди страждущия принимал и утешал еси. Сего ради от богоборных многия скорби претерпел еси и во изгнание осужден был еси, но якоже тогда от паствы твоея духом не отлучился, но пастырскую свирелию молитв твоих добре упасл еси овцы твоя, сице и ныне, не отступай от чад твоих духом твоим, но присно с нами пребывай, да укрепляеми тобою, веру истинно сохраним и заветы Оптинских старцев вседетельне исполним.

Паче же моли Всеблагаго Господа нашего Иисуса Христа, да утвердит в Православии Церковь нашу, Отечество и люди, да сохранит обители монашеския, верныя обетом иноческим, да дарует нам прощение грехов и покаяние истинное, да очистившеся тем, возлюбим еже есть едино на потребу: прилеплятися Христу Богу и Спасу нашему всем сердцем, всем помышлением, всею волею и всем чувством ничтоже любя от похотей мира сего и тако от сетей миродержителя тьмы века сего избавляющеся, во смирении воспоем и прославим всесвятое имя Отца и Сына и Святаго Духа ныне и присно и во веки веков. Аминь.