Краткое житие преподобного Леонида Устьнедумского

Леонид родился в 1551 году в Новгородской области, Пошенского уезда в Щекинской веси, от отца селянина, именем Филиппа, и матери Екатерины. Имея от роду около 50 лет, видел он чудный сон, повелевавший ему идти в бывшую на Двине Моржевскую Николаевскую пустынь и взять оттуда икону пресвятой Богородицы Одигитрии, перенести ее Усольский (ныне Сольвычегодский) уезд на реку Лузу к Турине горе и там, устроив храм во имя иконы Одигитрии, оставаться. Почитая это откровение случайным сновидением, Леонид не решался на исполнение и вместо того пошел в бывший Новгородский Козеозерский (Кожеозерский) монастырь, постригся (1603 г.) и жил там целый год. Оттуда отправился в Соловецкий монастырь, также прожил три года, труждаяся в пекарне; наконец будучи убежден повторяющимся ему сновидением, пошел в Николаевскую Моржевскую пустынь и, пробыв там целый год в монастырских трудах, открыл настоятелю видение свое. Получив икону Одигитрии, Леонид пошел на назначенное место к реке Лузе и поселился близ Туриной горы, при реке Якушице, в хижине, из хвороста сплетенной. Но тамошние жители изгнали его, и он отошел по реке Лузе оттуда на два поприща; с помощью одного селянина срубил себе келлию и близ нее устроил часовню; после того сходил в Ростов для испрошения от митрополита Ростовского Варлаама антиминса и благословения на устроение церкви.

Получив антиминс, он возвратился на место, посвященный в иеромонаха; создал (1608 г.) деревянную церковь во имя Введения Божией Матери, и поставил в храме вышепомянутую икону Одигитрии. Болота, окружавшие устроенную им обитель, делали ее неудобною для общежития; для осушения оных Леонид прокопал от реки Лузы канал в Черное озеро и прозвал его Недумою рекою по следующему случаю. При рытии канала Леонид ужален был змеею. В минуту уязвления родилась мысль о гибельных последствиях яда и привела было Леонида в страх. Вдруг возложа упование на Бога, решился он об опасности не думать и остался здоров. Тогда преподобный приступил к новой работе. Он прокопал еще два канала: от Черного озера до Святого, а от Святого озера до Черной речки; таким образом эту речку, вытекающую из непроходимых лесных болот, провел в реку Лузу. Но несмотря, однако, и на этот совершенный труд, нельзя было осушить место, ибо весенняя вода во время разлива реки Лузы потопляла монастырь. Это заставило перевести обитель на один мыс над Черным озером при речке Недуме. На новом месте поставил Леонид с благословения Ростовского митрополита церковь Введения с приделом великомученицы Параскевы, нареченной Пятницы. Церковь Введенская освящена архимандритом Устюжского Архангельского монастыря Арсением 1652 г. мая 25. По устроении Устьнедумской обители преподобный Леонид скончался в 1654 г. 17 июля, на 105 году от рождения. Власяница его доныне сохраняется в бывшей монастырской, а ныне приходской Богородицкой церкви. В монастыре, с самого его основания преподобным Леонидом, бывал съезд богомольцев в девятую пятницу по Пасхе.

Акафист преподобному Леониду, Устьнедумскому чудотворцу

 

      Избранный угодниче Христов и чудотворче, преподобне отче наш Леониде, святостию жития твоего яко звезда богосветлая возсиявый в стране северней. Похвальная восписуем ти, любовию творяще память твою: ты же яко имеяй дерзновение ко Господу, молитвами твоими от всяких бед свободи зовущих ти:
     Радуйся, преподобне отче наш Леониде, пустынный жителю.
        Ангела образом, земнаго суща естеством зряще тя, отче преподобне, прославляем прославльшаго тя Господа, тебе угоднику Его преславному умильно вопием:
     Радуйся, в мире живый, Небеснаго Отечества взыскавый.
     Радуйся, путь широкий, ведущий в пагубу презревый.
     Радуйся, тернистым путем в Царствие Небесное шествовавый.
     Радуйся, надеждею вечных благ сердце свое увеселивый.
     Радуйся, дом и сродники ради Христа оставивый.
     Радуйся, иноческое житие возлюбивый.
     Радуйся, преподобне отче наш Леониде, пустынный жителю.
        Видев сердце твое Господь, любовию к Нему пламенеющее, призва тя на путь монашескаго жития: ты же Пошехонский край свой оставив, стопы твоя в Кожеезерскую обитель направил еси, поя Господеви: Аллилуиа.
        Разум чист и свободен от страстей испроси нам угодниче Божий, да суетная в мире сем поправше, вопием ти, предстателю нашему пред Богом сицевая:
     Радуйся, смиренный подвижниче.
     Радуйся, постриг прием миру умертвивыйся.
     Радуйся, плоть свою возненавидевый.
     Радуйся, молитвой и постом ея духу покоривый.
     Радуйся, слез течением Бога умилостивый.
     Радуйся, вся козни вражия победивый.
     Радуйся, преподобне отче наш Леониде, пустынный жителю.
        Силою Божиею укрепляемь, в обитель Соловецкую путь свой управил еси и тамо волю отсекая, послушанию монашескому вдался еси, во смирении поя Богу: Аллилуиа.
        Имея помысл чист и душу непорочную Божию и Матери Божией послушник привлекийся, в пустынь Моржевскую вселился еси и труды ко трудом прилагая, Божий избранник явился еси. Услыши нас поющих тебе таковая:
     Радуйся, с места на место преходил еси, да добродетели приобрящеши.
     Радуйся, Пречистою Девою направляемь, издалеча место верою облобызал еси.
     Радуйся, с иконою Одигитрия на реку Луза пришел и ту водворился еси.
     Радуйся, малую часовню, последи храм в честь Введения Пресвятыя Богородицы создал еси.
     Радуйся, край сей глухий и блатный освятил еси.
     Радуйся, диких пермцев просвятителю.
     Радуйся, преподобне отче наш Леониде, пустынный жителю.
        Бурю искушений и бед от человек злобных с кротостию претерпевая, великия труды подъял еси: копаяй землю, ужален змием, безвреден пребыл еси, молитвою твоею укрепляемь, Богу вопиял еси: Аллилуиа.
        Слышавше христоименитии людие, яко пустынныя лесы их ангелоподобным житием твоим облагоухал еси, притекаху к тебе, и не отринул еси их, мудре паствил еси, собрав во имя Господне. Сего ради сицевую похвалу приносим тебе:
     Радуйся, Богородицы заступлению обитель твою вдавый.
     Радуйся, волю Господню сотворивый и ины творити научивый.
     Радуйся, лика иноческаго предстоятелю богомудрый.
     Радуйся, братии твоея отец чадолюбивый.
     Радуйся, всяким злостраданием плоть свою изнуривый.
     Радуйся, умертвивый твоими подвиги телесныя мудрования.
     Радуйся, преподобне отче наш Леониде, пустынный жителю.
        Боготечною звездою претекл еси в мире, святе, из Устьнедумския обители Северному краю, блаженне отче Леониде, семена слова Божия в сердца людская посевая и Богови поя: Аллилуиа.
        Видев враг спасения человеческаго житие небесное твое на земли, стрелы разжженныя искушений меташе в тя, о Леониде, ты же побеждаше я, Божиею благодатию укрепляемь, услыши от нас сицевая:
     Радуйся, власяницею жесткою тело твое изнуряяй.
     Радуйся, исконнаго врага змия древняго побеждаяяй.
     Радуйся, и змиев вещественных далече от себе отгоняяй.
     Радуйся, всенощными стоянии Бога умилостивый.
     Радуйся, яко фимиам благовонный молитвы твоя пред Господа восхождаху.
     Радуйся, ангели небеснии от Престола Небеснаго к престолу храма твоего снисхождаху.
     Радуйся, преподобне отче наш Леониде, пустынный жителю.
        Проповедует Прилузский край подвиги и труды твоя, преподобне отче, и светло красуется, стяжав тя помощника и покровителя себе. Особне к твоему бо заступлению в скорбех наших прибегаем и прославльшему тя Господу со умилением зовем: Аллилуия.
        Возсиял еси, преподобне Леониде, святостию жития твоего: пришед Прилузскому краю, воистинну светильник на свещнице поставлен еси, горя и светя. Темже свещением твоим и любовию согретая духовная чада взывают к тебе:
     Радуйся, от сердца твоего вся искушения юности отгнавый.
     Радуйся, Господа ради путь тесный и скорбный избравый.
     Радуйся, алчбою, жаждею, мразом и зноем тело свое изнуривый.
     Радуйся, терпением твоим злобу мира сего победивый.
     Радуйся, огнем молитвы твоея вся стрелы лукаваго попаливый.
     Радуйся, преподобне отче наш Леониде, пустынный жителю.
        Хотение едино имел еси, преподобне, еже миру умертвитеся и духом пожити, бежал еси суеты и в пустыни водворился еси, поя Богу: Аллилуиа.
        Дивно бысть, угодниче Божий, зрети, како тебе, змием угрызена, Господь сохрани здрава и невредима, и своею благодатию наступати на всю силу вражию сотвори. Сего ради прославляем тя отче:
     Радуйся, невещественне в мире поживый.
     Радуйся, бесплотным ангелом собеседник явивыйся.
     Радуйся, гордость сатанинскую низложивый.
     Радуйся, смирение Христово возлюбивый.
     Радуйся, на высоту безстрастия возшедый.
     Радуйся, на земли сый, небесная созерцавый.
     Радуйся, преподобне отче наш Леониде, пустынный жителю.
        Странствие земное скончавая, плотию изнемогл еси, духом же созрел в райская селения преселитися и тленная на нетленная пременив, поеши радостно Богу: Аллилуиа.
        Вся братия твоя со слезами и песнми надгробными провождаху тя: и изнесоша мощи твоя и положиша во храме, егоже создал еси, идеже и по ныне под спудом пребывают посещаемыя верными, приносящими ти сицевая хваления:
     Радуйся, во благоухании святыни сном смерти опочивый.
     Радуйся, в ризу нетления облеченный.
     Радуйся, ликовствуяй в чертозе Домовладыки.
     Радуйся, гражданине Иерусалима Горняго.
     Радуйся, святче Божий, всеми святыми прославляемый.
     Радуйся, от горних высот к нам милостивно приницаяй.
     Радуйся, преподобне отче наш Леониде, пустынный жителю.
        Ангели небеснии радостно прияша душу твою, преподобне, во обители райския, идеже Господь Славы Христос венча тя и земным нам заступника дарова, поющым Ему: Аллилуиа.
        Витии многовещаннии не возмогут по достоянию изобразити славу уготованную святым Его, еяже причастился еси отче Леониде. Сподоби и нас достигнути молитвами твоими оныя небесныя славы, вопиющым ти:
     Радуйся, зерцалом разрещшимся непосредственне зриши Святую Троицу.
     Радуйся, яко молишися Ей о совершающих память твою.
     Радуйся, внемляй молитвам чад твоих.
     Радуйся, яко посещаеши их в скорбных обстояниих.
     Радуйся, яко дерзновенно предстоиши о нас пред лицем Божиим.
     Радуйся, яко преклоняеши к нам грешным милосердие Его.
     Радуйся, преподобне отче наш Леониде, пустынный жителю.
        Спастися хотящым нам буди помощник, избавляяй нас заступлением твоим от грехов наших и всяких бед, низводяй на притекающих к тебе Божие благословение, поющих Богу: Аллилуиа.
        Стена верующым являешися крепка от лица вражия, защищая их от стрел демонских и болезни исцеляя. Темже сподобльшиися заступления твоего с любовию зовут ти:
     Радуйся, отче наш кроткий и милостивый.
     Радуйся, любовию к Богу и ближним пламенеяй.
     Радуйся, уединения поискавый и его в пустыни обретый.
     Радуйся, яко тамо многолетне подвизался еси в трудех мнозех и слезах.
     Радуйся, упокоение небесное унаследовавый.
     Радуйся, яко со ангелы песнь Богу немолчно вопиеши.
     Радуйся, преподобне отче наш Леониде, пустынный жителю.
        Пение всеумиленное приносим ти, преподобне отче Леониде, на месте трудов и упокоения твоего, от тебе чающе милости получити, ты же посети нас и данною ти от Бога благодатию исцели вопиющих: Аллилуиа.
        Светоподательна светильника пред Престолом Божиим предстояща и мрак страстей наших лучами молитв твоих разгоняюща, видим тя, преподобне отче Леониде: озари убо и наша сердца, всеблаженне, да достойно вопием ти сице:
     Радуйся, лучу пресветлый, от Солнца Христа возсиявый.
     Радуйся, и по преставлении твоем с нами пребываеши.
     Радуйся, храм Пресвятыя Богородицы Ея Введения построивый.
     Радуйся, зело его возлюбивый.
     Радуйся, освятивый его иноческим песнопением.
     Радуйся, храм сей, мощи твоя и Недуму реку залог любве своея нам оставивый.
     Радуйся, преподобне отче наш Леониде, пустынный жителю.
        Благодати тезоименитый и тою обогативыйся, победил еси враги и всякую злобу и в небесныя дворы преселивыйся, испроси нам от Христа Бога велию милость, да благодарно поем Ему: Аллилуиа.
        Поюще подвиги предивнаго жития твоего, колена преклоняюще пред честными мощами, под спудом почивающими, со слезами умиления вопием ти:
     Радуйся, почивый от всех трудов твоих.
     Радуйся, аще земля и покрывает честныя мощи твоя, дух же пребывает на небеси у Христа твоего.
     Радуйся, со всеми преподобными ожидаеши втораго пришествия и конечнаго прославления.
     Радуйся, моляйся о всех, почитающих память твою.
     Радуйся, просяй вечнаго спасения ревнующих святому житию твоему.
     Радуйся, любовию своею утешаяй прибегающих к молитвенному заступлению твоему.
     Радуйся, преподобне отче наш Леониде, пустынный жителю.
        О преславный угодниче Божий, преподобне отче Леониде, почитающе святую память твою, восписуем ти похвальная: ты же яко предстояй Престолу Царя Славы, от всякия напасти и скорби и вечнаго мучения избави ны, да возможем вечно с тобою воспевати Богу: Аллилуиа.       О священная главо, преподобне отче Леониде! Земный ангеле и небесный человече, светильниче пресветлый, край наш Прилузский озаряяй! Тебе угодниче Божий, неистощимое от Всеблагаго Владыки благодати и даров дадеся сокровище: с верою к тебе приходящих утешати, телесныя и душевныя недуги отгоняти. К тебе убо прибегаем, припадающе молимся: не презри нас молящихся и твоея просящих помощи, испроси нам у Христа, да сотворит с нами знамение во благо и прообразит наше мрачное житие, сердце наше прокаженное очистит, и обитель сотворит для Своего вселения, яко без Него не можем творити ничесоже. Да всякое наше во благо желание исполнит. Да тако угождающе Богу победим борющаго нас диавола и да внидем в селения райская, идеже вси святии пребывают и прославляют Отца, и Сына, и Святаго Духа во веки. Аминь.
        Божественною любовию и житием духовным от юности распалився, преподобне, и вся, яже в мире красная, возненавидев, Христа единаго от души возлюбил еси, отче, легкое иго на рамо взем, Божественным Промыслом и Пречистыя Богородицы чудным явлением направляемь, достиже пустыни и в ней многолетне подвизался еси в трудех многих и слезах, всяким злостраданием плоть свою изнуряя. Отонудуже Бог, твоя труды видев, умножи тебе чада в пустыни, но яко имея дерзновение к Богу, моли о нас, рабех твоих, отче преподобне Леониде, да избавит нас от всех навет вражиих и спасет души наша.
        Все свое умное желание к Богу вперив и Тому невозвратно от души последовав, в пустыню вселился и в ней многия труды в Бозе показал еси. В непроходнех местех источники водныя ископал еси и умертвил еси подвиги твоими телесная мудрования, многим путь был еси ко спасению. Темже молим тя: спаси нас и яже собра, мудре, да зовем ти: радуйся, Леониде преподобне, пустынный жителю.
        Ублажаем тя, преподобне отче Леониде, и чтим святую память твою, наставниче монахов и собеседниче ангелов.